Венесуэла мухолифати етакчиси Трампга ўз Нобель медалини совға қилди
Венесуэла мухолифати вакили Мария Корина Мачадо АҚШ президенти Дональд Трамп билан бўлиб ўтган учрашув чоғида унга ўзининг Нобель медалини совға қилганини маълум қилди. Бу ҳақда ТАСС агентлиги хабар бермоқда.
«Мен АҚШ президентига — Тинчлик бўйича Нобель мукофоти медалини совға қилдим. Биз ушбу қийин паллада венесуэликларнинг кутилмалари ва орзулари ҳақида хотиржам тарзда фикр алмашишга муваффақ бўлдик», — деди у Оқ уйда Трамп билан учрашувдан сўнг.
АҚШ раҳбари Мачадонинг унга Тинчлик бўйича Нобель мукофотини совға қилишига катта ҳурмат рамзи сифатида баҳо берди.
Truth Social ижтимоий тармоғида у Мачадо билан учрашиш ўзи учун катта шараф бўлганини ёзди. Трамп уни «кўп синовларни бошдан кечирган ажойиб аёл» деб таърифлади.
«Мария менга бажарган ишларим учун Тинчлик бўйича Нобель мукофотини тақдим этди. Бу ўзаро ҳурматнинг нақадар ажойиб белгиси. Раҳмат, Мария», — деб қўшимча қилди у.
Тавсия этамиз
Кўп ўқилганлар
- Ўзбекистондаги Ислом цивилизацияси марказига кириш нархлари эълон қилинди
- Тошкентда туннель девори ўпирилиб тушди
- Президент раислигида видеоселектор йиғилиши бошланди
- Уюшган жиноятчилик ва кибержиноятларга қарши курашиш такомиллаштирилади
- АҚШ Ҳўрмуз бўғозида кемаларни кузатиб боришни бошлаши мумкин
- 14 март куни кузатиладиган об-ҳаво прогнози эълон қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг