Тошкентда қувватлагичда турган электромобиль ёниб кетди
Видеодан кадр
Тошкент шаҳри Чилонзор туманида қувватлагичда турган электромобиль ёниб кетди. Пойтахт Фавқулодда вазиятлар бошқармаси ҳодиса бўйича маълумот берди.
Қайд этилишича, бугун, 28 август куни соат 08:09 да Чилонзор тумани Бунёдкор шоҳ кўчасида электромобиль ёнаётганлиги тўғрисида шаҳар ФВБга хабар келиб тушган.
Шунга кўра, ёнғин-қутқарув техникалари айтилган манзилга соат 08:15 да етиб бориб, соат 08:19 да алангани тўлиқ ўчирган. Билдирилишича, ҳодиса оқибатида жабрланганлар йўқ.
ИИББ ЙҲХБ хабарига кўра, электромобилдаги ёнғин у қувватлагичда турган вақтида юз берган. ФВБ эълон қилган расмдан кўриш мумкинки, транспорт воситаси бутунлай ёниб кетган.
Ҳозирда мазкур ёнғиннинг келиб чиқиш сабаби ва келтирилган моддий зарар миқдори аниқланмоқда.
Тавсия этамиз
Кўп ўқилганлар
- 21 октябрь – Ўзбек тили байрами куни
- Самарқандда ЮНЕСКОнинг 43-сессиясига тайёргарлик авжида
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Туркий халқларнинг маънавий яловбардори
- Хорижий тилларни ўрганмоқчи бўлган ёшларга «2+6» дастурига мувофиқ субсидия ажратилади
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг