Тошкентда бўлиб ўтган халқаро онлайн илмий-амалий конференция дунё олимларини бирлаштирди

17:30 10 Июнь 2022 Маданият
941 0

Фото: Халқ сўзи

Жорий йилнинг 10 июнь куни Алишер Навоий номидаги Тошкент давлат ўзбек тили ва адабиёти университети Маданиятлараро ва туризм кафедраси ташаббуси билан Анқара Ҳожи Байрам Вали университети, Н.А.Добролюбов номидаги Нижний Новгород лингвистика университети билан ҳамкорликда «Маданиятлараро мулоқот ва туризм» мавзусидаги халқаро онлайн илмий-амалий конференция бўлиб ўтди.

Конференцияда туризм ва таълим масалалари, уларнинг ўзаро таъсир ва ривожланиш истиқболлари, глобаллашув шароитида халқаро туризм тизимидаги маданиятлараро алоқалар масалалари кўриб чиқилди. 

Анжуманни ТошДЎТАУ ректори, профессор Ш.Сирожиддинов очиб берди. Шундан сўнг университет Халқаро ҳамкорлик бўйича проректори Н. Нормуродова ҳам сўзга чиқди. Шунингдек, Нижний Новгород лингвистика университети профессори С.Колобова, Вашингтон университети профессори Н.Аклес, Анқара Ҳожи байрам Вали университети профессори А.Акалинлар маъруза қилишди.

Маълумки, мамлакат иқтисодий-ижтимоий ривожланишида туризмнинг ўрни беқиёсдир. Мазкур анжуманда зиёрат туризмини бошқаришнинг халқаро тажрибалари ўрганилди. Мазкур конференцияда қайд этилган муаммолар, Ўзбекистоннинг дунёдаги ижобий имижини яққол намоён этиш, маданиятлар алмашинуви жараёнида ўзбек миллий қадриятларнинг жозибасини кўрсатиш сингари кўплаб масалаларнинг илмий-амалий ечимлари таҳлил қилинди. Конференция кенг қамровлилиги билан барча кузатувчиларга фойдали бўлди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер