Тошкент вилоятидаги божхона постида «жонли контейнер» қўлга тушди
Тошкент вилоятидаги «Навоий» чегара божхона постида ички жинсий аъзоларида ноқонуний тилла буюмларини олиб ўтмоқчи бўлган шахс қўлга тушди. Бу ҳақда вилоят божхона бошқармаси матбуот хизмати хабар қилди.
Қайд этилишича, божхона пост ходимлари билан ҳамкорликда пост орқали юртимизга кириб келган фуқаро божхона назоратидан ўтаётганда шубҳали ҳаракатлари сабабли шахсий кўрикдан ўтказилган.
Кўрик давомида унинг ички жинсий аъзоларида оғирлиги 314 грамм бўлган заргарлик буюмлари яширилгани аниқланди. Ашёвий далил сифатида олинган мазкур тилла тақинчоқларнинг жами қиймати 316 миллион сўмни ташкил этган.
Ҳозирда ҳолат юзасидан терговга қадар текширув ишлари олиб борилмоқда.
Таъкидлаш жоиз, жисмоний шахслар божхона чегараси орқали божхона тўловларисиз, йўловчи божхона декларациясида кўрсатган ҳолда, умумий оғирлиги 65 граммдан ошмаган қимматбаҳо металл ва тошлардан тайёрланган заргарлик буюмларини олиб кириши мумкин.
Тавсия этамиз
Кўп ўқилганлар
- “Лўлилар фақат тиланчими?...” Улар яшаётган маҳалладан фоторепортаж
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Янгиланаётган Марказий Осиё: бирлик, дўстлик ва ҳамкорликнинг янги босқичи
- Ногиронлиги бўлган фуқароларга 30 млн сўмгача фоизсиз ссуда ажратилади
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Камбағалликни қисқартириш: пул эмас, ақл-идрок ва билим муҳим
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг