Толимаржон ИЭСда 4-5-сонли буғ-газ қурилмаларини бунёд қилиш ишлари давом этмоқда
Толимаржон ИЭСда инвестициявий лойиҳа асосида умумий қуввати 1065 МВт бўлган 4-5-сонли буғ-газ қурилмаларини бунёд қилиш ишлари давом этмоқда.
Лойиҳанинг бош пудратчиси сифатида Испаниянинг «Intecsa Ingeniera Industrial S.A.» ва Япониянинг «Mitsubishi Corporation» компаниялари қатнашяпти. Шунингдек, қурилиш ишларига Туркиянинг «Çalik Enerji» компанияси мутахассислари ҳам жалб қилинган.
2025 йилда ягона энерготизимга уланиши кўзда тутилган мазкур буғ-газ қурилмаларининг ишга туширилиши натижасида корхонада йилига қўшимча яна 8,5 млрд кВт⋅соат электр энергияси ишлаб чиқаришга эришилади.
Аҳамиятлиси, юқори тежамкор технологияларни қўллаш ҳисобига йилига 600 миллион куб метр табиий газ тежалади.
Айни пайтда буғ-газ қурилмаларининг турбина пойдеворлари билан боғлиқ арматура ва бетон ишлари якунланган.
Маълумот ўрнида, қурилишда 1 минг 684 нафар мутахассис, шу жумладан, 1 минг 500 нафар маҳаллий ишчи-ходимлар меҳнат қилмоқда.
Тавсия этамиз
Кўп ўқилганлар
- Дам олиш кунлари ҳарорат +27 даражагача пасаяди
- «Барселона»га келган Дани Олмо клубни қийин аҳволга солиб қўйди
- Бир ойлик ҳарбий хизмат тўлови миқдори оширилади
- Мбаппе «Реал» учун гол урган ўйинда УЕФА Суперкубогига эга чиқди
- «Андижон» клуби футболчиси Миллий гвардия ходимини уриб, жароҳат етказди
- ЙҲХБ: Тартибга солинмаган ўтиш жойидан ўтаётган пиёдалардан қўлларини баланд кўтаришни сўраймиз
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг