Таиланддаги ўзбекистонликлар огоҳлантирилди
Ўзбекистоннинг Бангкокдаги Бош консулхонаси фуқароларни Таиландда юз берган зилзила муносабати билан эҳтиёткор бўлишга чақирди. Хабар консулликнинг «Instagram» саҳифасида эълон қилинди.
Унга кўра, Маҳаллий вақт билан соат 16:00 га қадар 28 март куни Таиландда рўй берган кучли зилзиладан сўнг жароҳат олган Ўзбекистон фуқаролари аниқланмаган.
«Биз Таиланднинг тегишли идоралари билан алоқадамиз ва вазиятни диққат билан кузатиб борамиз», — дейилади хабарда.
Ёрдамга муҳтож Ўзбекистон фуқаролари +66 2 675 3995 рақамига қўнғироқ қилишлари ёки дипломатик миссиянинг «Instagram» саҳифасига мурожаат йўллашлари мумкин. Таиланддаги ер силкинишларининг магнитудаси 7,4 ни ташкил қилган.
Аввалроқ Мянма марказида 7,7 магнитудали кучли зилзила содир бўлгани ва у қўшни давлатлар, жумладан, Таиланд пойтахти Бангкокда ҳам сезилгани ҳақида маълум қилгандик.
Тавсия этамиз
Кўп ўқилганлар
- Алишер Навоий – илм ва маъно эҳтиёжи манбаи
- Инвесторлар учун энг жозибадор ҳудуд ёхуд инвeстиция оқимидаги кескин тафовутнинг сабаб ва оқибатлари
- Илм-фан соҳасида хотин-қизларга яратилган имкониятларга бағишланган анжуман
- Ўзбекистонда инсон аъзоларини 3D биопринтерда чоп этиш имконияти яратилмоқда
- Бедилни халққа танитган хаттот
- Миллий нақшларда ўзлигимиз намоён
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг