Солиқ инспекцияси бошлиғи ўринбосарини ўлдирган йўл ҳаракати милицияси ходимлари қамоқ жазосига ҳукм қилинди
Солиқ инспекцияси бошлиғи ўринбосари йўл-патруль хизмати ходимлари томонидан қўлга олиш чоғида бўғилишдан вафот этгани бўйича суд ҳукми ўқилди, деб хабар қилди Олий суд матбуот хизмати.
Эслатиб ўтамиз, 10 июнь куни Самарқанд вилояти Каттақўрғон тумани солиқ инспекцияси бошлиғи ўринбосари Азиз Аҳмедов йўл-патруль хизмати ходимлари томонидан ўлдирилган эди. Суд-тиббий экспертиза хулосасига кўра, ўлимга ҳаво етишмаслиги сабаб бўлган. Бундан ташқари, марҳумнинг юзи ва бўйнида жароҳатлар аниқланган. Кейинчалик қотилликда гумон қилинганлар қамоққа олинди.
Маълумотларга кўра, ҳукм туман ЙҲХБ бошлиғи, лейтенант М.Қўчқоров ва Самарқанд вилояти ИИБ ЙҲХБ катта инспектори С.Раҳимбердиевга чиқарилган.
Суд ҳукмига кўра, гумонланувчилар 102-модда (Эҳтиётсизлик оқибатида ўлимга сабаб бўлиш) ва 206-модда (Ҳокимият ёки мансаб ваколатини суиистеъмол қилиш) бўйича икки йилу ўн ой муддатга озодликдан маҳрум этилди.
Шунингдек, улар икки йилга ички ишлар органларида ишлаш ҳуқуқидан маҳрум қилинди.
Тавсия этамиз
Кўп ўқилганлар
- Саккизта гол урилган ўйинда “Барселона” ғалаба қозонди
- “Башакшеҳир” Туркиянинг гранд клуби билан дуранг ўйнади
- Ўзбекистон миллий терма жамоаси учун Жаҳон чемпионати қуръаси омадли ўтдими?
- Ўзбекистон терма жамоасининг Жаҳон чемпионатидаги ўйин саналари эълон қилинди
- АҚШ Европадан НАТО мажбуриятларининг асосий қисмини ўз зиммасига олишни талаб қилди
- FIDE жаҳон кубоги чемпиони Жавоҳир Синдаровни кутиб олиш маросими бўлиб ўтди (+фоторепортаж)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг