Фото: Архив сурат

Жорий йилнинг 12 апрель куни Президент томонидан хотин-қизлар ва болалар ҳуқуқлари, эркинликлари ҳамда қонуний манфаатларини ишончли ҳимоя қилиш тизимини янада такомиллаштиришга оид муҳим қонун имзоланди.

Ушбу қонун билан қатор ўзгаришлар киритилди. Қуйида уларнинг асосийлари билан танишишингиз мумкин.

— Оилавий (маиший) зўравонлик учун жиноий жавобгарлик белгиланди.

— Шилқимлик қилиш учун маъмурий жавобгарлик белгиланди.

— Алимент тўламаган шахс мажбуран ишлатилиб, пули болалари таъминотига йўналтирилади.

— Вояга етмаганларга нисбатан жинсий жиноятлар учун жавобгарлик кучайтирилди.

— Аёл кишини «аборт» қилишга мажбурлаганлик учун жавобгарлик кучайтирилди.

— Номусга тегиш ва жинсий эҳтиёжни зўрлик ишлатиб ғайритабиий усулда қондириш учун жазо кучайтирилди.

— Ота-онанинг вояга етмаган болаларига васий ёки ҳомий тайинлаш бўйича мажбуриятларини бажармаганлиги учун маъмурий жавобгарлик белгиланди.

— Жинсий жиноят содир этган шахслар таълим-тарбия ташкилотларида ишлаши тақиқланди.

— Ота-она яшаш жойидан чет давлатга вақтинча чиқиб кетаётганида ўз боласига васий ёки ҳомий тайинлаши шарт бўлган муддат 6 ойдан 3 ойга қисқартирилди.

— «Ҳимоя ордери» муддати 1 йилгача узайтирилиши мумкинлиги белгиланди.