Шаҳрам Ғиёсовнинг навбатдаги жанги санаси ва манзили аниқ бўлди
Ўзбекистонлик профессионал боксчи Шаҳрам Ғиёсов навбатдаги жангини қачон ва қаерда ўтказиши аниқ бўлди. Бу ҳақда спортчининг ўзи «Спорт» телеканалига берган интервьюсида маълум қилди.
Ғиёсовнинг сўзларига кўра, у жорий йилнинг 12 апрель куни АҚШнинг Нью-Жерси штатида ташкил этиладиган бокс оқшомида рингга кўтарилади. Ўша куни унга мексикалик боксчи рақиблик қилади.
Маълумот учун, мазкур турнирнинг марказий жанги ярим ўрта вазнда WBА чемпиони Эймантас Станёнис ҳамда IBF чемпиони Жарон Эннис ўртасида кечади. Шаҳрам Ғиёсов ушбу бокс кечасида рақиби устидан ғалаба эришса, кейинги жангини айнан Эннис — Станёнис баҳси ғолибига қарши ўтказади.
Айтиш жоиз, вакилимиз профессионал фаолияти давомида 16 бор рингга кўтарилиб, уларнинг барчасида зафар қучган. У сўнгги жангини 2024 йилнинг 31 июлида Мигель Паррага қарши ўтказиб, ҳакамлар қарори билан ғалаба қозонганди.
Тавсия этамиз
Кўп ўқилганлар
- 21 октябрь – Ўзбек тили байрами куни
- Самарқандда ЮНЕСКОнинг 43-сессиясига тайёргарлик авжида
- Туркий халқларнинг маънавий яловбардори
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
- Россия Осиё грандни мағлуб этди
- Камбағал оилалар фарзандларининг тўгарак харажатларининг 80 фоизгача қисми давлат бюджети ҳисобидан қопланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг