Самарқанд шаҳрида ёшлар фестивали бўлиб ўтмоқда

20:23 08 Июнь 2022 Жамият
175 0

Фото: Халқ сўзи

Шу кунларда Самарқанд вилояти бўйлаб «Янги Ўзбекистон ёшлари, бирлашайлик!» шиори остида ўтказилаётган фестиваль бугун Самарқанд шаҳрига кўчди.

Фестиваль шаҳарнинг тўртта ҳудуди – Кимёгарлар («Нурафшон» маданият саройи), Фарҳод ҳамда Хишрав қўрғонлари (2-маданият маркази) ва Қорасув масканида ўтказилмоқда.

Асосий тадбирлар бугун Кимёгарлар қўрғонида «Соғлом ҳаёт учун 5000 қадам» юриш марафони билан бошланди ва куни билан ушбу ҳудуд ҳамда Хишрав қўрғонида давом этди.

Фестивалда мусиқа, рақс, эстрада хонандалиги ҳамда тасвирий санъат танловлари ва ҳарбий-ватанпарварлик чиқишлари ташкил этилди.

Шунингдек, 11 та спорт тури бўйича беллашувлар, киберспорт ва «Заковат» интеллектуал мусобақаси, қўл жанги, ҳарбий оркестр, фахрий қоровул ва 15 та спорт туридан кўргазмали чиқишлар, шу билан бирга меҳнат ва китобхонлик ярмаркалари ҳам фестиваль дастуридан жой олди.

Тадбир пойтахтдан келган таниқли санъаткорлар иштирокидаги галаконцерт билан янада кўтаринкилик касб этди.

Ёшлар фестивали эртага Самарқанд шаҳридаги Фарҳод қўрғони ва Қорасув масканида давом этади.

Абдулазиз Йўлдошев, «Халқ сўзи».

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?