Фото: chessdailynews

Тошкентда 8-9 июль кунлари «Рустам Қосимжонов кубоги — 2024» мусобақаси бўлиб ўтди. Мусобақанинг мукофот жамғармаси 50 минг АҚШ долларини ташкил этган.
Мусобақанинг вақт назорати «Rapid 15+10» шаклида бўлиб, Нодирбек Абдусатторов 6.5 очко билан ғолиб бўлди. Иккинчи ўринни Жавоҳир Синдоров 6 очко билан, учинчи ўринни эса эронлик шахматчи Парҳам Магҳсоодлоо 5.5 очко билан қўлга киритди.


Рустам Қосимжонов эса ўзининг номи билан аталган турнирда атиги 5.5 очко билан 4-ўринни эгаллади. Шунингдек, Шахрияр Мамедияров (5-ўрин), Александр Грисчук (6-ўрин), Ричард Раппорт (7-ўрин), Нодирбек Ёқуббоев (8-ўрин) Шамсиддин Воҳидов (9-ўрин) ва Жаҳонгир Ваҳидов (10-ўрин) каби шахматчилар ҳам турнирда яхши қатнашди.
Нодирбек Абдусатторов ғолиблик учун 12 минг АҚШ доллар олган бўлса, иккинчи ўрин соҳиби Жавоҳир Синдоров 8 минг, эронлик шахматчи Парҳам Магҳсоодлоо эса 6 минг АҚШ долларига эга чиқди.
Гроссмейстер Рустам Қосимжонов 2004 йили шахмат бўйича ФИДE жаҳон чемпионатида Веселин Топалов ва Майкл Адамс каби таниқли шахматчиларни мағлуб этиб, ўзининг энг катта ғалабасига эришган. У шунингдек, Вишванатан Ананд ва Фабиано Каруана каби жаҳон шахмат юлдузларини шуғуллантирган.
Аввалроқ, Нодирбек Абдусатторов Бухарестдаги мусобақада 200 миллионга яқин пул ишлаб олгани ҳақида хабар берилганди.