Кеча, 30 ноябрь куни Испания Ла Лигасининг 14-тур ўйинлари бўлиб ўтди. Кун доирасидан ўрин олган баҳсда “Реал Мадрид” жамоаси Жирона шаҳрида шу ном билан аталувчи клуб билан куч синашди.

Учрашувда ҳисоб 45-дақиқада мезбонлар томонидан очилди. Аззедин Оунаҳи ўз номини таблога ёздириб қўйди. Биринчи бўлим 1:0 ҳисоби билан якунланди.

Иккинчи бўлимнинг 67-дақиқасида “қаймоқранглилар” мувозанатни тиклади. Жамоа етакчиси Килиан Мбаппе пеналтидан аниқ фойдаланди ва ҳисобни 1:1 кўринишига келтирди.

Ўйинда ҳисоб бошқа ўзгармади ва жамоалар 1 очкодан бўлишиб олдилар. Қаторасига 3 та ўйинда дурранг ўйнаган “Реал Мадрид” турнир жадвалида 2-ўринга тушиб кетди.

“Жирона” — “Реал Мадрид” 1:1

Голлар: Оунаҳи (45) — Мбаппе (67, пеналти).

“Жирона” — Гассанига, Ринкон (Франсес, 72), Ванат (Коурума, 83), Рейс, Витцел, Мартинес, Морено, Оунаҳи (Руис, 83), Хил (Рока, 72), Циганков (Асприлла, 72).

“Реал Мадрид” — Куртуа, Трент (Гонсало Гарсия, 90), Рюдигер, Милитао, Фран Гарсия (Каррерас, 90), Чуамени (Родриго, 72), Беллингем, Гюлер (Камавинга, 46), Валверде, Мбаппе, Винисиус.