Қўшимча қатновлар 15 декабрдан 12 январгача иккита йўналишда ташкил этилади ва яна тўртда йўналишда қўшимча вагонлар қўйилади. Бу ҳақда Транспорт вазирлиги матбуот хизмати хабар берди.

17 декабрдан бошлаб Тошкент-Урганч-Тошкент йўналишида 18 та, 15 декабрдан эса Самарқанд-Тошкент-Самарқанд йўналишида «Афросиёб» тезюрар электропоездига қўшимча 30та қатнов амалга оширилади.

Бундан ташқари, қуйидаги йўналишлар бўйича қўшимча вагонлар қўйилади:

Тошкент-Қўнғирот-Тошкент;

Тошкент-Термиз-Тошкент;

Тошкент-Урганч-Тошкент;

Тошкент-Сариосиё-Тошкент.

Мазкур йўналишлар учун 20 декабрдан бошлаб ҳар куни 4 та қўшимча плацкарт вагонлари қўшилади.

Бундан ташқари, барча маҳаллий йўналишдаги қатновларга чегирма эълон қилинган. Арзонлаштирилган нархлар 23 декабрдан 10 январгача амал қилади. Бироқ, чегирмалар СВ/ВИП класс вагонларига ва юқори тезликда ҳаракатланувчи «Афросиёб» электропоездига тақдим этилмайди.