Қашқадарёда инспекторлардан қочган балиқ овчилари жаримага тортилди

13:30 17 Октябр 2021 Жамият
254 0

Яқинда Яккабоғ тумани Самоқ ҳамда Турон маҳалласи ҳудудидан оқиб ўтган Қизилдарё дарёси ҳудудида рейд ўтказилгани, бир гуруҳ фуқаролар ноқонуний равишда балиқ овлаётганлиги аниқлангани, инспекторларни кўрган броконьерлар қочиб кетгани ҳақида хабар қилинганди.

Маълум бўлишича, Яккабоғ туман 19-сонли ИИБ инспекторлари томонидан суруштирув ишлари олиб борилган ҳамда ҳуқуқбузарликни содир этган фуқароларнинг шахсига аниқлик киритилган.

Ҳуқуқбузарлик 3 нафар фуқаро томонидан амалга оширилганлиги аниқланди. Ҳолат юзасидан фуқароларга нисбатан Ўзбекистон Республикаси Маъмурий Жавобгарлик тўғрисидаги Кодексининг 90-моддаси 1-қисми билан маъмурий баённома расмийлаштирилиб, 4 млн 50 минг сўм жарима ҳамда табиатга етказган зарари 4 млн 536 минг сўм этиб белгиланди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?