Жорий йилнинг 19 январь куни Миллий Олимпия қўмитасида (МОҚ) спортчиларнинг 2023 йилги спорт мусобақалари, хусусан 2024 йилда Франция пойтахтида ўтказиладиган ёзги Олимпия ўйинларига йўлланма берадиган халқаро турнирларга тайёргарлигига бағишланган йиғилиш бўлиб ўтди.

МОҚ маълумотига кўра, «Париж-2024» ёзги Олимпия ўйинларига йўлланмаларни олиш учун 400 нафардан ортиқ спортчиларимиз ҳозирлик кўрмоқда.

Йиғилиш давомида, шунингдек, жорий йил асосий эътибор Хитойнинг Ханчжоу шаҳрида ўтадиган Осиё ўйинларида муносиб иштирок этишга ҳамда «Париж-2024» Олимпиадасига имкон қадар кўпроқ лицензиялар қўлга киритишга қаратилиши таъкидланди.

Шунингдек, муҳокамалар давомида давлатимиз томонидан ажратилаётган маблағларни мақсадли сарфлаш, ҳар бир спорт жамоасининг тайёргарлик режаларини яна бир карра кўриб чиққан ҳолда чуқур таҳлил қилиш лозимлиги қайд этилди.

Мутасаддилар истиқболли режаларни белгилаш мақсадида махсус дастур асосида ҳар бир терма жамоада фаолият олиб бораётган хорижлик мутахассислар билан ҳамкорликнинг янги босқичлари кўриб чиқилишини билдирди.