Пара таэквондо: Гулжаной Наимова олтин, Зиёда Исоқова кумуш медалга сазовор бўлди

11:41 05 Февраль 2023 Спорт
1079 0

Истанбул шаҳрида пара таэквондо бўйича “Президент кубоги” турнири давом этяпти.

Эътиборлиси, мусобақанинг дастлабки кунида аёллар ўртасида ўтказилган баҳсларда терма жамоамизнинг икки вакили – Гулжаной Наимова ҳамда Зиёда Исоқова шоҳсупага кўтарилди. +65 кг вазн тоифасида юртимиз шарафини ҳимоя қилган Гулжаной Наимова барча рақибларини таслим этган ҳолда доимгидек олтин медални қўлга киритган бўлса, -46 кг вазн тоифасида Зиёда Исоқова муросасиз курашлар якунига кўра терма жамоамиз ҳисобига кумуш медални қўштириб қўйди.

Таъкидлаш керакки, “Президент кубоги”да ғолиб ва совриндор бўлган спортчиларга Париж-2024 ёзги Паралимпия ўйинлари учун муҳим рейтинг очколари тақдим этилади.

Бугун эркаклар терма жамоамиз аъзолари ҳам ушбу мусобақада иштирокини бошлайди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер