Ўзбекистонлик велоспортчилар Озарбайжондаги халқаро мусобақада шоҳсупага кўтарилди
Фото: Спортни ривожлантириш вазирлиги матбуот хизмати
Озарбайжонда велошоссе бўйича «Aziz Shusha» номли халқаро турнир бўлиб ўтди. Мусобақада иштирок этган «Tashkent city professional cycling team» жамоаси вакили ҳам шоҳсупага кўтарилди.
Турнирнинг иккинчи босқичи жамоамиз учун муваффақиятли якунланди. Унда ёш умидли спортчиларимиздан бири Акром Суннатов иккинчи натижани қайд этди. 71 км масофани ташкил этган босқич Озарбайжоннинг Шуша ҳудудидан ўтган тоғли йўллардан иборат бўлди.
Пойгада Туркиянинг «Sakarya BB Pro Team» жамоаси шарафини ҳимоя қилаётган озарбайжонлик таниқли спортчи Элчин Асадов биринчи ўринни қўлга киритган бўлса, Мўғулистон вакили кучли учликни якунлаб берди.
Икки босқичдан иборат мусобақада Озарбайжон, Ўзбекистон, Туркия, Мўғулистон, Буюк Британия, Руминия, Грузия, Тожикистондан ташриф буюрган жамоалар иштирок этишди. Терма жамоамиз вакилларидан ташкил топган «Tashkent city professional cycling team» энди июль-август ойларида Италия, Туркия ва Беларусда ўтадиган мусобақаларга тайёргарлик кўради.
Тавсия этамиз
Кўп ўқилганлар
- “Лўлилар фақат тиланчими?...” Улар яшаётган маҳалладан фоторепортаж
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Янгиланаётган Марказий Осиё: бирлик, дўстлик ва ҳамкорликнинг янги босқичи
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Ногиронлиги бўлган фуқароларга 30 млн сўмгача фоизсиз ссуда ажратилади
- Камбағалликни қисқартириш: пул эмас, ақл-идрок ва билим муҳим
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг