Ўзбекистонда иккита янги русумдаги автомобиль ишлаб чиқарила бошлайди

21:59 02 Январь 2022 Жамият
2026 0

Ўзбекистонда иккита янги автомобиль моделини ишлаб чиқариш бошланади. Бу 2022-2026 йилларда Ўзбекистонни ривожлантириш стратегиясидаги «Йўл харитаси» лойиҳасида қайд этилган.

Қайд этилишича, автомобилсозлик соҳасида кооперацияни янада ривожлантириш ҳисобидан ишлаб чиқариш ҳажмини 1,4 баробар, экспорт ҳажмини эса 2 баробар ошириш режалаштирилган.

Саноатдаги мавжуд корхоналарнинг ишлаб чиқариш қувватларини ошириш мақсадида:

янги интеграциялашган глобал платформага (ГEМ) ўтиш билан йиллик қуввати 190 000 дона енгил автомобилларнинг 2 та янги моделини ишлаб чиқариш бошланади;

UzAuto Motors’нинг Хоразм вилояти филиали қуввати 70 мингдан 100 мингтага ошади.

Шунингдек, ҳукумат 2026 йилгача экспорт ҳажмини 1 миллиард долларга етказиш бўйича «йўл харитаси»ни ишлаб чиқади.

Шу тарзда:

СCД технологиясидан фойдаланган ҳолда автомобиллар ишлаб чиқариш бошланади;

йилига 30 мингтагача «Nexia» автомобилини экспорт қилиш режалаштирилган.

Бундан ташқари, енгил автомобилларни маҳаллийлаштириш даражасини 60 фоизгача ошириш бўйича «йўл харитаси» ишлаб чиқилади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?