Ўзбекистон U-20 терма жамоасининг Осиё кубоги саралаш босқичидаги рақиблари маълум бўлди
Архив фото
Футбол бўйича ёшлар ўртасида 2025 йил ўтказиладиган Осиё кубогининг саралаш босқичига қуръа ташланди. Куала-Лумпурда ўтказилган маросимда Ўзбекистон терма жамоаси «B» гуруҳидан ўрин олди.
Шундай қилиб, жамоамизга Камбоджа, Непал, Хитой Тайпейи ва Баҳрайн ёшлари рақиблик қиладиган бўлди.
Қуръага кўра 1-турда вакилларимиз дам олади. Иккинчи турда эса ёш футболчиларимиз Камбоджа, 3-турда Непал, 4-турда Хитой Тайпейи, 5-турда Баҳрайн ёшлари билан беллашади.
Ўзбекистонлик ёшлар амалдаги Осиё кубоги ғолиби ҳисобланади. Жамоамиз 2023 йилда юртимизда ўтказилган турнир финалида Ироқлик тенгқурларини енгиб, кубокни қўлга киритган эди.
Саралаш ўйинлари жорий йилнинг 21-29 сентябрь кунлари Хитой Тайпейида бўлиб ўтади. Унинг натижаларига кўра, 10 та гуруҳ ғолиби ва гуруҳда иккинчи ўринни эгаллаган энг яхши 5 жамоа 2025 йилнинг 6 — 23 февраль кунлари Хитойда ўтказиладиган Осиё кубогида қатнашади.
Олдинроқ, Ўзбекистон U-17 терма жамоасининг Осиё кубоги саралаш босқичидаги рақиблари маълум бўлгани ҳақида хабар бергандик.
Тавсия этамиз
Кўп ўқилганлар
- Ўзбекистонда ЯТТ ва ўзини ўзи банд қилган шахслар QR-кодсиз фаолият юритса жаримага тортилади
- Хонанда Раҳматилло Юсупов 44 ёшда вафот этди
- Сизни ажаблантирадиган анъаналар. Дунё бўйлаб янги йил қандай нишонланади?
- Ўзбекистон Президенти ва халқига Янги йил байрами муносабати билан самимий қутловлар келмоқда
- Хорижий валюталарнинг ўзбек сўмига нисбатан Янги йилдан кейин амалда бўладиган қиймати эълон қилинди
- Ўзбекистон Республикаси Президенти Шавкат Мирзиёевнинг Ўзбекистон халқига Янги йил табриги
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг