Вазирлар Маҳкамасининг «Тошкент метрополитени учун ўнта тўрт вагонли метро поездларини харид қилиш» лойиҳасининг техник-иқтисодий асослашни тасдиқлаш тўғрисида»ги қарори қабул қилинди.

Ҳужжат билан қуйидагилар тасдиқланди:

• Ўнта тўрт вагонли метро поездларини харид қилиш лойиҳасини ТИАнинг асосий техник- иқтисодий кўрсаткичлари;
• «ВEБ.РФ» давлат ривожланиш корпорацияси банкининг кредити бўйича асосий қарзни қайтариш, фоизлар ва воситачилик ҳақини тўлашнинг прогноз жадвали;
• «Росексимбанк» АЖ кредити бўйича асосий қарзни қайтариш, фоизлар ва воситачилик ҳақини тўлашнинг прогноз жадвали.

Лойиҳанинг ТИАга асосан:

• умумий қиймат (эквивалентда) 63,7 млн евро ни ташкил этади, ундан:
  • 8,7 млн евро – давлат бюджети маблағлари;
  • 30,5 млн евро – «ВEБ.РФ» Россия давлат ривожланиш корпорациясининг кредити;
  • 24,5 млн евро –«Росексимбанк» АЖ кредити.

«ВEБ.РФ» кредити 11 йил муддатга, «Росексимбанк» кредити эса - 12 йил муддатга тақдим этилган.

«Ўзбекистон темир йўллари» АЖга Тошкент метрополитени учун «Метровагонмаш» АЖдан (Россия Федерацияси) тўрт вагонли метро поездларини 1 декабрга қадар олиб келиниши топширилди. Лойиҳа бўйича битим Тошкент шаҳрида 5-7 апрель кунлари ўтказилган ИННОПРОМ халқаро саноат кўргазмасида имзоланган.

Ҳужжат Қонун ҳужжатлари маълумотлари миллий базасида эълон қилинган ва 12.07.2021 йилдан кучга кирди.