Олий Мажлис Сенати Раиси Танзила Нарбаева АҚШ Конгресси делегациясини қабул қилди
Фото: Олий Мажлис Сенати ахборот хизмати
Жорий йилнинг 22 август куни Ўзбекистон Республикаси Олий Мажлиси Сенати Раиси Танзила Нарбаева мамлакатимизга ташриф буюрган АҚШ Конгрессидаги «Ўзбекистон бўйича кокус»нинг ҳамраиси, конгрессмен Трент Келли бошчилигидаги АҚШ Конгресси делегацияси билан учрашди.
Мулоқотда Ўзбекистон - Америка ҳамкорлигининг бугунги ҳолати ва истиқболлари, жумладан, парламентлараро ҳамкорликни кенгайтириш масалалари муҳокама қилинди.
Таъкидланганидек, охирги йилларда икки томонлама парламентлараро алоқалар динамикасида сезиларли фаоллик кузатилмоқда.
Бунга албатта, Ўзбекистон Республикаси Президентининг очиқ, конструктив ва прагматик ташқи сиёсати кўп жиҳатдан туртки бўлмоқда.
Икки давлат парламентлари ўртасидаги муносабатларнинг ривожланишида «Ўзбекистон–АҚШ» парламентлараро гуруҳи ҳамда АҚШ Конгрессидаги «Ўзбекистон бўйича кокус»нинг саъй-ҳаракатлари эътироф этилди.
Учрашувда ҳамкорликнинг парламентлараро алоқаларини кенгайтириш, шунингдек, демократик ислоҳотларни амалга ошириш каби соҳаларда мустаҳкамлаш масаласига эътибор қаратилди.
Тавсия этамиз
Кўп ўқилганлар
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Яна бир бозор аукционга қўйилди
- Самарқанд яна бир нуфузли форумга мезбонлик қилади
- Ўзбекистон паспорти халқаро индексда паст натижа қайд этди
- Марказий банк шошилинч огоҳлантириш билан чиқди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг