Илгари Бирма номи билан танилган Мьянма 2021 йилги ҳарбий тўнтариш ва давом этаётган фуқаролар уруши ортидан тобора кучайиб бораётган беқарорликка дуч келмоқда. Аллақачон этник, диний ва мафкуравий жиҳатдан бўлиниб кетган мамлакат, энди этник қуролли гуруҳлар катта ҳудудларни назорат остига олиб, ҳарбий хунтани чекланган куч билан қўлга киритгач, янада парчаланиш хавфи остида қолган. Бу ҳақда «Guardian» нашри хабар берди.

Маълум бўлишича, Ғарб ва қўшни давлатларда Мьянманинг парчаланиши бутун минтақани беқарорлаштириши мумкин, деган тахминларни пайдо бўлишига сабаб бўлмоқда.

Бундан ташқари, Мьянмадаги гуманитар инқироз тобора кучайиб бормоқда. БМТ уруш жиноятлари, жумладан, тинч аҳолини ўлдириш, қийноқлар, мактаб ва касалхоналарни портлатиш кабилар авж олгани ҳақида хавотир билдирган.

Қайд этилишича, уч миллиондан ортиқ одам ўз уйларини ташлаб кетган, минглаб одамлар эса асосан хунта ҳаракатлари туфайли ўзининг одатий турмуш тарзидан ажралган. Вазият, айниқса, қуролланган гуруҳлар томонидан 200 нафарга яқин тинч аҳоли Ракхайн штатида ҳалок бўлгач халқаро эътиборни тортди.

Мьянма билан узоқ чегарага эга Хитой можаронинг унинг хавфсизлиги ва иқтисодий манфаатларига таъсиридан тобора кўпроқ хавотирда эканлигини билдирган. Шунга қарамасдан, кўплаб сиёсий таҳлилчилар Хитой «бўл ва ҳукмронлик» стратегияси қоллаётганини, турли этник гуруҳларни қўллаб-қувватлашда ва хунта билан алоқаларни сақлаб қолишда айбланмоқда.

Бундан ташқари, иддао қилинишича, Хитой ва Россия хунтага қурол этказиб беришда давом этмоқда. Халқаро инқироз бўйича таҳлил гуруҳи кучлироқ дипломатик ва иқтисодий чоралар кўрилмаса, Мьянманинг парчаланиши муқаррар эканлигини билдирган.

«Мьянманинг қулашига йўл қўймаслик учун қўшни давлатлар ва халқаро ташкилотлар хавф-хатарларга қарамай, этник қуролли гуруҳлар билан бевосита алоқада бўлиши керак», дейилади «Guardian» хабарида.

Аввалроқ, Элдор Шомуродов «Рома»нинг мавсумдаги дебют голини урганди.