Фото: Иллюстратив фото

Бош прокуратура ҳузуридаги Департаментнинг Миробод туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувларда, “A.G.» МЧЖга қарашли савдо дўкони сотувчилари Ф.Н ва бошқалар ўзларининг жавобгарлигидаги 501,1 млн сўмлик салқин ичимлик ва алкоголь маҳсулотларини ўзлаштириш йўли билан талон-торож қилганликлари аниқланган.

Шу каби, “M.L.» МЧЖ шаклидаги лизинг компанияси менежери Д.Ш. мижозлар томонидан тўланган жами 270 млн сўм нақд пулларни МЧЖ ҳисоб-рақамига кирим қилмасдан, ўзлаштириш йўли билан талон-торож қилганлиги аниқланган.

Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш), 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят ишлари қўзғатилиб, тергов ҳаракатлари ўтказилмоқда.