Foto: Illustrativ foto

Bosh prokuratura huzuridagi Departamentning Mirobod tuman boʻlimi tomonidan tadbirkorlik subyektlarining huquqlarini himoya qilish yuzasidan oʻtkazilgan tergovga qadar tekshiruvlarda, “A.G.» MCHJga qarashli savdo doʻkoni sotuvchilari F.N va boshqalar oʻzlarining javobgarligidagi 501,1 mln soʻmlik salqin ichimlik va alkogol mahsulotlarini oʻzlashtirish yoʻli bilan talon-toroj qilganliklari aniqlangan.

Shu kabi, “M.L.» MCHJ shaklidagi lizing kompaniyasi menejeri D.Sh. mijozlar tomonidan toʻlangan jami 270 mln soʻm naqd pullarni MCHJ hisob-raqamiga kirim qilmasdan, oʻzlashtirish yoʻli bilan talon-toroj qilganligi aniqlangan.

Mazkur holatlar yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish), 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishlari qoʻzgʻatilib, tergov harakatlari oʻtkazilmoqda.