Германиянинг «Байер Леверкузен» клуби Бундеслигадаги қониқарсиз натижалар сабабли ўз бош мураббийи Эрик тен Ҳаг билан шартномани бекор қилди. Бу ҳақда клуб ўз саҳифасида хабар берди.

Маълумот учун, Тен Ҳаг 2025 йилнинг 27 май санасидан «Байер Леверкузен» жамоасини бошқариб келаётган эди.

Қизиғи, Эрик «Манчестер Юнайтед» жамоасининг собиқ бош мураббийи ҳисобланади ва сўнгги 2 ой ичида, яқин 10 йил давомида «қизил иблислар»ни бошқарган 5 мураббийнинг 4 нафари ишдан кетди:

• Июль ойи якунида «Мидлсбро» жамоаси 2021 йили «Манчестер Юнайтед»ни бошқарган Майкл Каррикни истеъфога чиқарди;

• Июль ойининг ўрталарида «Лестер Сити» клуби 2024 йилда «қизил иблислар»га устозлик қилган Рууд ван Нистелройни ишдан бўшатди;

• 28 август куни Туркияннинг «Бешиктош» жамоаси 2018–2021 йилларда «Манчестер Юнайтед»ни бошқарган Оле Гуннар Сульшерга ишдан олди;

• 29 август куни 2016–2018 йилларда «қизил иблислар»га устозлик қилган Жозе Моуриньо «Фенербахче» бош мураббийлигидан бўшатилди.

Бугун истеъфога чиқарилган Эрик тен Ҳаг ушбу қаторга бешинчи бўлиб қўшилмоқда. Қайд этиш керакки, яқин йилларда «Манчестер Юнайтед» клубида ишлаган мураббийлардан фақатгина Ральф Рангник Австрия терма жамоаси бош мураббийи сифатида фаолиятини давом эттирмоқда.