Жорий йилнинг 2 февраль санасида дунёнинг кўплаб мамлакатлари учун қишки трансферлар ойнаси ёпилган эди. «Transfermarkt» портали ушбу муддатда футболчиларни трансфер қилиш учун энг кўп маблағ сарфлаган жамоалар рўйхатини эълон қилди.

Унга кўра, январь ойида 5 нафар футболчини сотиб олган «Манчестер Сити» клуби ушбу рўйхатда биринчи ўринни эгаллаб турибди. «Шаҳарликлар» Антуан Семеньо, Марк Геи, Макс Аллейн, Клаудио Эчеверри ва Сверре Нюпан каби футболчиларнинг трансфери учун умумий ҳисобда 95 миллион евро сарфлаган.

Бу борада иккинчи ўрин «Кристал Пэлас» клубига тегишли. Лондон клуби қишда Бреннан Жонсон ва Юрген Ларсенни 89,7 миллион еврога харид қилган.

Шунингдек, кучли учликдан Саудия Арабистонининг «Ал-Хилол» жамоаси ҳам ўрин эгаллаган. Ушбу жамоа қишки трансферлар ойнасида 7 нафар янги футболчи учун 70,8 миллион евро сарфлаган.

Бу кўрсаткич бўйича кейинги ўринларни қуйидаги жамоалар эгаллаб турибди:

«Вест Ҳэм» — 56,3 миллион евро;

«Тоттенҳэм» — 55 миллион евро;

«Атлетико Мадрид» — 54 миллион евро;

«Фламенго» — 53,7 миллион евро;

«Ал-Иттиҳод» — 45 миллион евро;

«Борнмут» — 42 миллион евро;

«Фенербахче» — 37 миллион евро.