2026 йилнинг 9-13 февраль кунлари Ўзбекистонда ўтказилган «Ислом олами маданий мероси бўйича қўмитанинг 13-сессияси»нинг якуний хулосалари маълум қилинди. Бу ҳақда Маданият вазирлиги хабар берди.

Унда айтилишича, мамлакатимиз томонидан тақдим этилган 9 та номзодномалардан 7 таси маъқулланиб, AYSESKO'нинг Моддий ва номоддий маданий мерос объектларининг бошланғич рўйхатига киритилган.

Қуйида ушбу рўйхатга киритилган моддий ва номоддий маданий мерос объектлари билан танишишингиз мумкин:

• 4 та номоддий маданий мерос намунаси — ёғоч ўймакорлиги санъати, миниатюра санъати, хаттотлик санъати, китобат ва тазҳиб санъати;
• 3 та моддий маданий мерос объекти — Қадимий Термиз мажмуаси, Шаҳрисабз тарихий-мажмуаси, Миздаҳкан тарихий-мажмуаси.

Маълумот учун, бугунги кунга қадар юртимизнинг қуйидаги 19 та моддий ва номоддий маданий мерос объектлари AYSESKO'нинг Моддий ва номоддий маданий мероси рўйхатига киритилган бўлиб, булар:

• Самарқанд шаҳридаги Регистон мажмуаси;
• Исмоил Сомоний мақбараси;
• Чор Бакр мажмуаси;
• Баҳоуддин Нақшбанд мажмуаси;
• Мағоки Аттор масжиди;
• Пойи Калон мажмуаси;
• Қадимий Пойкент шаҳри харобалари;
• Саройи Тош мадрасаси.

Ипак йўллари:

• Зарафшон–Қароқум йўлаги;
• Туроннинг совуқ қишлоқ чўллари;
• Самарқанд — маданиятлар чорраҳаси;
• Бухоро тарихий маркази;
• Зомин тоғлари (Жиззах вилояти);
• Шаҳрисабз тарихий маркази;
• Султон Саодат мажмуаси;
• Муҳаммад Ҳаким Термизий мақбараси;
• Султон Увайс Бобо мақбараси;
• Саййид Аталиқ мадрасаси ҳамда Ўзбекистонда кулолчилик (керамика) санъати.

Шундай қилиб, AYSESKO'нинг Моддий ва номоддий маданий мероси рўйхатига киритилган Ўзбекистондаги мерос объектлари сони 26 тага етди.