Joriy yilning 2-fevral sanasida dunyoning koʻplab mamlakatlari uchun qishki transferlar oynasi yopilgan edi. “Transfermarkt” portali ushbu muddatda futbolchilarni transfer qilish uchun eng koʻp mablagʻ sarflagan jamoalar roʻyxatini eʼlon qildi.

Unga koʻra, yanvar oyida 5 nafar futbolchini sotib olgan “Manchester Siti” klubi ushbu roʻyxatda birinchi oʻrinni egallab turibdi. “Shaharliklar” Antuan Semenyo, Mark Gei, Maks Alleyn, Klaudio Echeverri va Sverre Nyupan kabi futbolchilarning transferi uchun umumiy hisobda 95 million yevro sarflagan.

Bu borada ikkinchi oʻrin “Kristal Pelas” klubiga tegishli. London klubi qishda Brennan Jonson va Yurgen Larsenni 89,7 million yevroga xarid qilgan.

Shuningdek, kuchli uchlikdan Saudiya Arabistonining “Al-Xilol” jamoasi ham oʻrin egallagan. Ushbu jamoa qishki transferlar oynasida 7 nafar yangi futbolchi uchun 70,8 million yevro sarflagan.

Bu koʻrsatkich boʻyicha keyingi oʻrinlarni quyidagi jamoalar egallab turibdi:

“Vest Hem” — 56,3 million yevro;

“Tottenhem” — 55 million yevro;

“Atletiko Madrid” — 54 million yevro;

“Flamengo” — 53,7 million yevro;

“Al-Ittihod” — 45 million yevro;

“Bornmut” — 42 million yevro;

“Fenerbaxche” — 37 million yevro.