AQSH zarur hollarda Hoʻrmuz boʻgʻozi orqali oʻtadigan tijorat kemalarini harbiy jihatdan kuzatib borishni boshlashi mumkin. Bu haqda Amerika yetakchisi Donald Tramp maʼlum qildi, uning soʻzlaridan TASS iqtibos keltirmoqda.

“Agar zarur boʻlsa, biz buni amalga oshirishimiz mumkin edi. Lekin hammasi yaxshi boʻlishiga umid qilamiz. Nima sodir boʻlishini kuzatamiz”, — dedi respublikachi “Fox News” telekanaliga bergan intervyusida.

Mart oyi boshida Islom inqilobi muhofizlari korpusi general-mayori Ibrohim Jabariy dunyo neft eksportining taxminan beshdan bir qismi oʻtadigan Hoʻrmuz boʻgʻozi Isroil va AQSHning harbiy operatsiyasi tufayli kemalar harakati uchun yopilishidan ogohlantirgan edi.

Keyinroq Eron Tashqi ishlar vaziri Abbos Aroqchi boʻgʻoz yopilmaganini, balki kemalar va tankerlarning oʻzlari ikki tomonning zarbalaridan qoʻrqib, u yerdan oʻtishga urinmayotganini aytdi.

Eron Oliy rahnamosi Mujtabo Homanaiy oʻz murojaatida Islom Respublikasi raqibga bosim oʻtkazish uchun Hoʻrmuz boʻgʻozini yopish imkoniyatlarini saqlab qolishi kerakligini taʼkidladi.