Малакали тиббий хизмат кўрсатиш имконияти яратилди
Ботир МАДИЁРОВ/«Халқ сўзи». Шу пайтгача тиббий стандартларга жавоб бермайдиган бинода фаолият кўрсатган поликлиника давлат дастури доирасида янгидан барпо этилди. Замонавий шароитларга эга бинога кўчган 9-оилавий поликлиникада 25 минг нафар аҳоли учун малакали тиббий хизмат кўрсатиш имконияти яратилди.
— Янги поликлиника қурилишига қарийб 7 миллиард сўм маблағ сарфланиб, энг сўнгги русумдаги асбоб-ускуналар билан жиҳозланди, — дейди Фарғона вилояти соғлиқни сақлаш бошқармаси бошлиғи Бобур Примқулов. — Бу иншоот айнан Конституция байрами арафасида иш бошлагани бежиз эмас. Шаҳар аҳли эндиликда Бош қомусимизда белгилаб қўйилганидек, тиббий хизматлардан бепул фойдаланиши учун барча шароитлар муҳайё этилган.
Тантанали тадбирда Қўқон шаҳар ҳокимлиги, соғлиқни сақлаш соҳаси масъуллари, фахрийлар ҳамда кенг жамоатчилик вакиллари қатнашиб, оилавий поликлиникада яратилган шароитларни эътироф этишди.
Тавсия этамиз
Кўп ўқилганлар
- Яқин Шарқдаги кескинликнинг нархи: АҚШ, Исроил ҳамда Эрон уруш учун қанча сарфлаяпти?
- Ўзбекистондаги Ислом цивилизацияси марказига кириш нархлари эълон қилинди
- “Барселона” қийин ғалабани қўлга киритди
- Аёллар Осиё чемпионати мусобақасининг 3-тур ўйинлари давом эттирилди
- Трамп Эрондаги ҳарбий операция «деярли якунланганини» маълум қилди
- Бугун Эронга жуда қаттиқ зарба берилиши мумкин – Трамп
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг