Олий Мажлис Қонунчилик палатаси Спикери ўринбосари, Ўзбекистон «Миллий тикланиш» демократик партияси Марказий кенгаши раиси Алишер Қодиров «Ўзбекистон 24» телеканалига берган интервьюсида мактаб ошхоналари ва боғчалардаги ҳолат ҳақида ўз фикрини билдириб ўтди:

— Барча мактабларда нафақат ошхоналарни ташкил этиш, балки ошхоналарда болаларга, керак бўлса, маълум миқдорда бепул овқатланиш шароитларини яратиб бериш ҳақида ўйлашимиз керак!

Мана шу масалаларни мактабларда биз ҳал қилишимиз, мактаб менежментини шакллантиришимиз, ўқитувчини ўз ишини қилиши учун барча шароитларни яратишни олдимизга асосий вазифалардан бири сифатида белгилашимиз лозим ҳамда халқ вакиллари сифатида бу ислоҳотларда фаол иштирокчи бўлиб, ҳуқуқий асосларини яратишимиз ва уни амалга оширишни назорат қилишимиз керак бўлади.

...Боғчада тарбиячи бўлиб ишлаётган одам соҳани эгаси бўлиши керак. У болажон, у меҳрибон инсон! Бугун биз боғчада тарбиячи бўлиб ишлаётган 20-30 фоиз атрофидаги олий маълумотли тарбиячилар билан етарли даражада масалани ҳал этяпмиз, деб айта оламизми? Афсуски, йўқ.