Кун фотоси: Наманган вилояти ҳокимининг вақтинчалик уйи деярли тайёр бўлди

15:01 26 Февраль 2021 Жамият
5266 0

Президент Наманган вилоятига ташрифи чоғида Наманган шаҳридаги Бунёдкор маҳалласига кутилмаган ташрифни амалга оширган ва маҳалладаги аҳвол юзасидан мутасаддиларни кескин танқид қилган эди.

Ташрифдан сўнг вилоят ҳокими ушбу маҳалла аҳолиси билан учрашиб, «Бунёдкор» маҳалласига кўчиб ўтишини маълум қилган эди.

«Ҳар куни шу ерда, сизларга қўшни бўламан. Уйим маҳалла идорасининг рўпарасида жойлашади. Бугун шу ерга контейнер ўрнатилади ва унга «вилоят ҳокимининг уйи» деб ёзиб қўйилади», деган эди Шавкатжон Абдураззақов аҳоли билан учрашувда.

«Халқ сўзи» таҳририятига ҳоким вақтинча яшаш учун кўчиб ўтадиган «вилоят ҳокимининг уйи» суратлари етиб келди.

Фото: «Халқ сўзи»

Расмлардан кўриниб турибдики, барча қулайликларга эга контейнер ўрнатилиб, унинг атрофи девор билан ўралган, дарвоза қилиниб уй ҳовлисига фуқароларни қабул қилиш, суҳбатлашиш, мурожаатларини тинглаш учун махсус айвон ҳам қурилмоқда.

Фото: «Халқ сўзи»

 

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?