Кимё бўйича Нобель мукофотининг совриндорлари маълум бўлди
Фото: obelprize.org
Кимё бўйича 2025 йилги Нобель мукофотига япониялик Сусуму Китагава, австралиялик Ричард Робсон ва америкалик Омар Ягхи муносиб топилди.
Мукофот глобал муаммоларни ҳал этишда улкан салоҳиятга эга бўлган юқори ғовакли материалларнинг янги синфи — металлорганик каркасларни ишлаб чиққанликлари учун берилади
Изоҳланишича, олимлар газлар ва бошқа кимёвий моддалар ўта оладиган катта бўшлиқли молекуляр тузилмаларни яратишган. Бу тузилмалардан чўлда ҳаводан сув йиғишда, карбонат ангидридни тутиб қолишда, заҳарли газларни сақлашда ёки кимёвий реакцияларни тезлатишда фойдаланиш мумкин.
Бунгача америкалик олимлар Жон Кларк, Мишель Деворе, Жон Мартинис квант механикасидаги кашфиётлари учун физика бўйича, америкалик олимлар Мери Брунков, Фред Рамсделл ҳамда япон олими Шимон Сакагучи иммунитет тизимининг тананинг ўз ҳужайраларига ҳужум қилишига нима тўсқинлик қилишини кашф этгани учун физиология ёки тиббиёт бўйича 2025 йилги Нобель мукофотига сазовор бўлганди.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг