Бугунги кунда мамлакатимизда ёшларга сифатли таълим бериш, хорижий тиллар ҳамда касб-ҳунарга ўргатиш учун зарур шароит ва имкониятлар яратишга алоҳида эътибор қаратилмоқда.

Хусусан, амалга оширилган лойиҳалар доирасида 2023 йил давомида халқаро имтиҳон тизимлари бўйича юқори балл (даража) олган 12,3 минг нафар ёшларнинг имтиҳон топшириш харажатлари учун 21,7 млрд сўм маблағ ажратилди.

Ёшларга замонавий касбларни эгаллаши, ахборот технологияларини ўрганиши ва уларни хорижий тилларга ўқитиш бўйича “Келажак касблари” лойиҳаси доирасида таълим олувчи ижтимоий ҳимояга муҳтож оила фарзандларига олти ойгача муддатли ўқув курслар учун ҳар ойда БҲМнинг 4 бараваригача миқдорда маблағ ажратиб берилади.

2023 йил давомида ушбу лойиҳа орқали 8072 нафар ёшларга 18,1 млрд сўм маблағ ажратилди.

Республика миқёсида халқаро имтиҳон тизимларидан юқори балл (даража) олган ёшларга имтиҳон топшириш харажатлари қуйидаги тартибда қоплаб берилди:

“IELTS” – 8 275 нафар;

“TOEFL” – 30 нафар;

“GMAT” – 13 нафар;

“SAT” – 960 нафар;

Рус тили – 2864 нафар;

Корейс тили – 77 нафар.

Бундан ташқари, қўшимча 9 та тест (хорижий тил ва имтиҳон турлари) синовларининг харажатлари қоплаб берилган.