Ушбу лойиҳа 27 декабрь санасидан ишга тушади. Бу ҳақида Қирғизистон президенти Садир Жапаров халқ қурултойида маълум қилди.

Илгари қурилиш ишлари жорий йилнинг октябрь ойида бошланиши режалаштирилган эди.

Садир Жапаровнинг таъкидлашича, Хитой—Қирғизистон—Ўзбекистон темир йўли қурилиши лойиҳаси ўнлаб йиллар давомида чўзилиб келган.

Май ойида Садир Жапаров уч давлат ўртасидаги темир йўл қурилиши 2024 йил октябрь ойида бошланишини айтганди. Лойиҳани амалга ошириш учун мамлакатлар қўшма компания тузишга келишиб олган. Иштирокчиларнинг корхонадаги улуши: Хитой 51 фоиз, Қирғизистон ва Ўзбекистон 24,5 фоиздан.

2024 йил июнь ойида уч давлат вакиллари темир йўл қурилиши тўғрисидаги битимни расман имзолади ва молиялаштириш шартларини белгилади. Лойиҳанинг умумий қиймати 4 миллиард 665 миллион долларга баҳоланмоқда.

Таъкидлаш жоиз, темир йўлини қуриш лойиҳасини амалга ошириш учун Жалолобод шаҳридаги 44,29 гектар ер майдони ажратилади.