Фото: Reuters

АҚШ президенти Дональд Трамп қуролли можарога барҳам бериш бўйича НАТО ва Украинанинг ўзида қарама-қаршиликка дуч келмоқда ҳамда бу тинчлик музокаралари истиқболларини мураккаблаштирмоқда. Бу ҳақда Хитойнинг Халқаро бизнес ва иқтисодиёт университети стратегик тадқиқотлар бўйича вице-президенти, профессор Гонг Жионг айтиб ўтди.

«Ҳа, Дональд Трамп маъмурияти ҳақиқатан ҳам буни қилишни ва можарога барҳам беришни хоҳлайди. Аммо муаммо шундаки, НАТОнинг бошқа аъзолари томонидан катта қаршилик бўлади. Биз эса, айниқса, Украинадан қаршилик кутишимиз керак», — дейди сиёсатшунос.

Шу билан бирга, Гонг Жионг Украинадаги вазиятни тинч йўл билан ҳал қилиш фақат Хитой ва бошқа ғарб бўлмаган давлатлар иштирокида бўлишини қўшимча қилди. Шу билан бирга, унинг таъкидлашича, амалдаги форматлар Москва манфаатларини ҳисобга олмайди ва музокараларни бошлаш платформаси сифатида жиддий кўриб чиқилиши мумкин эмас.

Ўтган йилнинг 17 ноябрь куни Хитой раҳбари Си Цзиньпин Лимада АҚШнинг собиқ президенти Жо Байден билан учрашувда Пекин Украинада тинчликка эришиш учун ҳаракат қилаётганини айтган эди.