Foto: Reuters

AQSH prezidenti Donald Tramp qurolli mojaroga barham berish boʻyicha NATO va Ukrainaning oʻzida qarama-qarshilikka duch kelmoqda hamda bu tinchlik muzokaralari istiqbollarini murakkablashtirmoqda. Bu haqda Xitoyning Xalqaro biznes va iqtisodiyot universiteti strategik tadqiqotlar boʻyicha vitse-prezidenti, professor Gong Jiong aytib oʻtdi.

“Ha, Donald Tramp maʼmuriyati haqiqatan ham buni qilishni va mojaroga barham berishni xohlaydi. Ammo muammo shundaki, NATOning boshqa aʼzolari tomonidan katta qarshilik boʻladi. Biz esa, ayniqsa, Ukrainadan qarshilik kutishimiz kerak”, — deydi siyosatshunos.

Shu bilan birga, Gong Jiong Ukrainadagi vaziyatni tinch yoʻl bilan hal qilish faqat Xitoy va boshqa gʻarb boʻlmagan davlatlar ishtirokida boʻlishini qoʻshimcha qildi. Shu bilan birga, uning taʼkidlashicha, amaldagi formatlar Moskva manfaatlarini hisobga olmaydi va muzokaralarni boshlash platformasi sifatida jiddiy koʻrib chiqilishi mumkin emas.

Oʻtgan yilning 17-noyabr kuni Xitoy rahbari Si Szinpin Limada AQSHning sobiq prezidenti Jo Bayden bilan uchrashuvda Pekin Ukrainada tinchlikka erishish uchun harakat qilayotganini aytgan edi.