Хитойда Ўзбекистоннинг замонавий тараққиётига бағишланган «Psearcher» журналининг махсус сони нашр этилди.

Нашр саҳифаларида инглиз ва хитой тилларида ўқувчиларни Ўзбекистонда сиёсий, иқтисодий, сармоявий, туризм ва бошқа соҳаларда олиб борилаётган кенг кўламли ислоҳотлар ва ўзгаришлар жараёнлари билан таништирадиган мақолалар ўрин олган.

Улар орасида Ўзбекистон ва Хитой ўртасидаги ҳар томонлама стратегик шериклик, Янги Ўзбекистоннинг тараққиёт стратегияси, мамлакатимизнинг истиқболли сармоявий ва сайёҳлик салоҳияти ҳамда мамлакатимизда юритилаётган ёшларга оид давлат сиёсатини акс эттирувчи мақолаларни таъкидлаш мумкин. Шунингдек, журнал саҳифаларида Париждаги Лувр музейида очилган “Ўзбекистон воҳаларининг мўъжизалари. Карвон йўллари чорраҳасида” кўргазмаси, шунингдек, Хитой делегацияси илк бор қатнашган Намангандаги халқаро гуллар фестивалига бағишланган мақолалар ҳам мавжуд.

«Psearcher» журнали Хитой Халқ Республикасининг вазирлик ва идоралари, Пекинда аккредитациядан ўтган хорижий дипломатик ваколатхоналар ва халқаро ташкилотлар, шунингдек, Хитойнинг йирик компаниялари, таҳлилий марказлари ва илмий-тадқиқот институтларига кенг тарқатилади.