Фото: Room.eu

Канаданинг Британия Колумбияси музофоти олов ва тутун ичида қолмоқда. Бу ерда бошланган ўрмон ёнғинлари сабабли юзлаб одамлар ўз уйларини ташлаб кетишга мажбур бўлган. Бу ҳақда «Guardian» нашри хабар берди.

Маълум қилинишича, 300 дан ортиқ ўт ўчириш экипажлари ёнғинга қарши курашяпти. Шунга қарамасдан, назорат ҳудуди умумий ёнғин майдонининг ярмини ҳам қопламайди. Ёнғин хавфсизлиги хизматининг хабар беришича, иссиқ, қуруқ шароит ва шамол ёнғинни ўчириш ишларини қийинлаштирмоқда. Уч ҳафтадан бери давом этаётган жазирама вазиятни янада ёмонлаштирмоқда. Бу ерда кунлик юқори ҳарорат рекордларини янгилаяпти. Турли минтақалардан келган 1000 га яқин ўт ўчирувчилар ёнғинга қарши кураш олиб бормоқда.

Чақмоқ уриши ўт ўчирувчиларнинг саъй-ҳаракатларини янада мураккаблаштирган. Масалан, ўтган ҳафтанинг ўзида 1300 га яқин чақмоқ чақиши жорий ёнғинларнинг 90 фоизига сабаб бўлган. Ушбу қийинчиликларга қарамай, ўтган йилга қараганда ўт ўчириш ишлари самаралироқ кечаётганини айтилмоқда.

Британия Колумбияси шимолида содир бўлган ёнғин оқибатида 571 минг гектардан ортиқ майдон ёниб кетди ва бу 10 йилликдаги ўртача кўрсаткичдан юқори ҳисобланади. Фавқулодда хизматлар ёнғин ҳудудларидан ҳозирча 7500 кишини эвакуация қилган.

Аввалроқ, бир исроиллик зарар кўргани учун Исроил Яманга дронлар ҳужумини уюштиргани ҳақида хабар берилганди.