Июнь ойида 135,6 миллиард сўмлик энергия ресурсларидан ноқонуний фойдаланилди
Июнь ойи мобайнида қиймати 136 миллиард сўмдан ортиқ бўлган энергия ресурсларидан ноқонуний фойдаланилган. Бу ҳақда Ўзенергоинспекция хабар берди.
Қайд этилишича, сўнгги бир ойда ўтказилган назорат тадбирларида истеъмолчилар томонидан энергия ресурсларидан ноқонуний фойдаланиш бўйича 234 та ҳолат аниқланди.
Шунингдек, 50,6 миллион кВт⋅соат электр энергияси (103 млрд сўм) ва 12,4 миллион метр куб табиий газ (32,6 млрд сўм) талон-торож қилиниши натижасида жами 135 миллиард 669 миллион сўм зарар қайта ҳисоб-китоб қилинди.
Бундан ташқари, истеъмолчилар томонидан энергия ресурсларидан фойдаланиш қоидаларини бузиш билан боғлиқ ҳуқуқбузарлик бўйича 471 та маъмурий иш расмийлаштирилди.
«Қоидабузар истеъмолчиларга нисбатан белгиланган тартибда чоралар кўрилиб, тегишли ҳужжатлар ҳуқуқни муҳофаза этувчи органларга тақдим қилинди», дейилади хабарда.
Аввалроқ Қашқадарёда фуқарога 82 миллион сўмдан ортиқ маоши ва маънавий зарар ундириб берилгани ҳақида хабар қилгандик. Фуқаро ишдан четлаштирилган даври учун иш ҳақини талаб қилган.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг