Икки дзюдочимиз чехиялик жарроҳ ёрдамида операция қилинди
Ўзбекистон терма жамоасига номзод дзюдочилар Суҳроб Ражабов ва Рината Илматова жароҳат сабаб мусобақаларда иштирок эта олмаётганди.
Шифокорлар ҳар икки дзюдочимизга тизза бўғимининг олдинги икссимон боғлами шикастланиши ташхисини қўйишган эди.
Ўзбекистон дзюдо федерацияси матбуот хизмати хабарига кўра, куни кеча чехиялик малакали хирург Юрий Лубояцкий дзюдочиларимизда жарроҳлик амалиётини муваффақиятли тарзда ўтказди.
Бундан ташқари, тўрт кун давомида бошқа спорт тури вакилларининг жарроҳлик амалиёти ҳам ўтказилди. Операцияларда терма жамоамиз шифокори Азиз Қаюмов ҳам бевосита иштирок этди.
Кеча Юрий Лубояцкий Ўзбекистон дзюдо федерациясида меҳмон бўлди. Унда федерация бош котиби Улуғбек Кабулов чехиялик мутахассисга МОҚ раиси ўринбосари, мамлакат дзюдо федерацияси раиси Азизжон Камиловнинг ташаккурномаси ҳамда эсдалик совғаларини тақдим этди.
Тавсия этамиз
Кўп ўқилганлар
- Собиқ бош вазир узоқ муддатга қамалди
- Тинчлик сулҳи шартлари бажарилмоқда: Ғазо 3 нафар, Исроил 90 нафар маҳбусни ватанига қайтарди
- “Энг яхши мақолалар” танлови ғолиблари аниқланди
- Шавкат Мирзиёев аҳоли бандлигини таъминлаш ва камбағалликни қисқартиришга оид муҳим қарорни имзолади
- Туркияда қалбаки алкоголдан яна 3 нафар ўзбекистонлик ҳаётдан кўз юмди
- Ўзбекистонда 2025 йил 1 апрелдан электр энергияси ва газ нархлари оширилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг