Футбол бўйича U-18 Ўзбекистон миллий терма жамоаси Японияда юртимиз шарафини ҳимоя қилади
Жорий йил 24-28 август кунлари Япониянинг Шизуока префектурасида 18 ёшгача бўлган ўсмирлар орасида 2022 SBS Cup халқаро ёшлар футбол мусобақаси ташкил этилади, деб хабар бермоқда “Дунё” АА мухбири.
Ушбу турнирда футбол бўйича U-18 Ўзбекистон эркаклар миллий терма жамоаси ҳам иштирок этиб, Шизуока, Уругвай ва Япония ёшларига қарши тўп суришади.
23 кишидан иборат миллий терма жамоамиз аъзолари кеча Токионинг Нарита аэропортида кутиб олиниб, мусобақа бўлиб ўтадиган Шизуока шаҳрига йўл олди. Спортчиларимизни қўллаб-қувватлаш мақсадида Япониядаги ватандошларимиз уларга доимий равишда ҳамроҳлик қилади.
Эслатиб ўтамиз, SBS Cup футбол мусобақаси 1977 йилда ташкил топган бўлиб, бугунги кунга қадар дунёнинг барча минтақасидан
33 мамлакат ушбу тадбирда қатнашган. Мусобақа ҳар йили Шизуока префектурасининг 3 та стадионида ўтказилади. U-18 Ўзбекистон миллий терма жамоаси ушбу мусабақада илк бор иштирок этмоқда.
Тавсия этамиз
Кўп ўқилганлар
- “Лўлилар фақат тиланчими?...” Улар яшаётган маҳалладан фоторепортаж
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Янгиланаётган Марказий Осиё: бирлик, дўстлик ва ҳамкорликнинг янги босқичи
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Ногиронлиги бўлган фуқароларга 30 млн сўмгача фоизсиз ссуда ажратилади
- Камбағалликни қисқартириш: пул эмас, ақл-идрок ва билим муҳим
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг