Финляндия россияликларга туристик визалар беришни қисқартириш схемасини ишлаб чиқди

23:50 13 Август 2022 Дунё
738 0

Фото: Финляндия ташқи ишлар вазири Пекка Ҳаависто

Финляндия ташқи ишлар вазири Пекка Ҳаависто русларга бериладиган туристик визалар сонини камайтирадиган механизмни эълон қилди. Буни ариза топшириш муддатларини белгилаш орқали амалга ошириш мумкин, деди жаноб Ҳаависто МТВга. Масалан, душанба куни туристик визага мурожаат қилиш мумкин, дея тушунтирди ташқи ишлар вазири.

«Амалда бу душанба куни сайёҳлик визасига, сешанбадан жумагача эса оилавий сабабларга кўра, ўқиш, ишлаш ёки бошқа асосли сабабларга кўра мурожаат қилишингиз мумкинлигини англатиши мумкин», — деди Пекка Ҳаависто. Вазирнинг сўзларига кўра, бу ҳолда туристик визалар учун навбат ўсади, мос равишда улар секинроқ расмийлаштирилар ва уларнинг сони камаяди.

Июль ойи охирида Финляндия бош вазири вазифасини бажарувчи Аки Линден россияликларга виза беришни кучайтиришга чақирганди. Август ойи бошида Европа Иттифоқига россияликларга Шенген визаларини беришни тақиқлаш таклифи ҳам киритилган эди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер