Фото: ФИФА

Хабарингиз бор, Ўзбекистоннинг уч шаҳри — Тошкент, Бухоро ва Андижон футзал бўйича 2024 йилги ФИФА жаҳон чемпионатига мезбонлик қилади. ФИФА расмий сайтида маълум қилинишича, Хон исмли Турон йўлбарси мазкур мусобақанинг расмий тимсоли этиб танланган.

«ХОН ҳақиқатан ҳам футзалнинг ўзига хос хусусиятлари, жумладан, тезлиги ва жозибали табиати ҳамда Ўзбекистоннинг маҳаллий ва минтақавий меросини ифодалайди», дейилади ФИФА хабарида.

ЎФА эса «Ўрта Осиёнинг йўқотилган бойлиги дея таърифланадиган Турон йўлбарсини Жаҳон чемпионати тимсоли дея эълон қилиниши бутун дунёни ҳайвонот дунёсини муҳофаза қилишга яна бир бор ундаши»ни қайд этди.

Ўзбекистон футбол ассоциацияси ҳам куч-қудрат ва жасорат тимсоли ҳисобланган Турон йўлбарси мамлакатда ўтадиган мундиалнинг расмий тимсоли этиб танлангани бежиз эмаслигига тўхталди.

«Унинг ўзига хос маҳорат билан чаққон ҳаракат қилиши ва унинг юқори тезлиги мазкур тимсолни футзал спорт тури билан боғлайди», дейилади хабарда.

Қўшимча қилинишича, Ўрта Осиёнинг йўқотилган бойлиги дея таърифланадиган Турон йўлбарсини Жаҳон чемпионати тимсоли дея эълон қилиниши бутун дунёни ҳайвонот дунёсини муҳофаза қилишга яна бир бор ундайди.