Фергюсон «Олтин тўп»га ким кўпроқ муносиблигини маълум қилди

23:58 14 Октябр 2021 Спорт
1071 0

Фото: Reuters

Бу йил «Олтин тўп»га Португалия ва Англиянинг «Манчестер Юнайтед» клуби ҳужумчиси Криштиану Роналду кўпроқ муносиб. 

Худди шундай фикрларни Англиянинг «Манчестер Юнайтед» клуби собиқ бош мураббийи Алекс Фергюсон илгари сурмоқда.

«Роналду бунга лойиқ. Чунки у бу йил рекорд ортидан рекорд ўрнатмоқда», деган мутахассис. 

2021 йилда Роналду терма жамоа учун энг кўп гол уриш бўйича янги жаҳон рекордини ўрнатди. У Португалия термаси таркибида 115 та гол уриб, амалдаги рекордчи эронлик Али Дайидан узиб кетди.

Бундан ташқари, у терма жамоалар бўйича энг кўп хет-трик қилиш бўйича ҳам рекорд ўрнатди. 2022 йил бўладиган жаҳон чемпионати саралаш босқичининг саккизинчи турида Люксембург дарвозасига учта гол киритди. Бу унинг терма жамоа таркибидаги ўнинчи хет-триги ҳисобланади.

Португалия терма жамоаси таркибида Роналду 2016 йилда Европа чемпиони бўлди. 2004 қитъа чемпионатининг кумуш, 2012 йилда эса бронза медалини қўлга киритган. Шунингдек, 2019 йилда Европа футбол ассоциациялари иттифоқи Миллатлар Лигаси ғолиби бўлган.

Олдинроқ, Италия терма жамоаси бош мураббийи Роберто Манчини бу йил "Олтин тўп"га ким кўпроқ муносиблигини айтган эди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?