Фото: Халқ сўзи

ЎзЛиДеП Қашқадарё вилоят Кенгаши Ёшлар ва бизнес тузилмалари билан ишлаш бўлимининг «Ёшлар қаноти» фаоллари Қарши шаҳридаги Одина масжиди атрофини ободонлаштиришда иштирок этаётган ходимлардан кўнгил сўрадилар, ҳутнинг изғиринида этлари жунжиккан ишчилар қўлига иссиққина чой-қаҳва тутқазиб, кийим-кечаклар ҳадя қилдилар.

— Партиянинг фаол ёшлари эътиборидан ходимларимиз кўнгли тоғдек кўтарилди, — дейди Қарши шаҳар ободонлаштириш бошқармасининг кўкаламзорлаштириш ва ирригация тизими бригадири Акмал Оромов — Қилаётган ишларимизнинг жамият учун, юртимиз учун нафи тегаётганини ҳис қилиш жуда фахрли. Партиянинг вилоят Кенгаши раиси томонидан ҳар биримизга берилган ташаккурнома, улашилган меҳр ва эътибор мамлакатимизда илгари сурилаётган «Инсон қадри учун» эзгу ғоясининг амалдаги кичик бир намунаси бўлди, десак, янглишмайман.

Фахриддин Бозоров, «Халқ сўзи».