Фото: "Халқ сўзи"

Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (ФАО) Ўзбекистонда қишлоқ хўжалигини рақамлаштириш бўйича Миллий ҳаракат дастури тақдимотини ўтказди. Ушбу дастур амалга оширилган бир йиллик техник ҳамкорлик лойиҳаси доирасида ишлаб чиқилган. Миллий дастурнинг ишга туширилишига бағишланган тадбирда миллий ва халқаро экспертлар йиғилиб, ҳужжатнинг мазмуни, унинг мақсад ва устувор йўналишлари юзасидан фикр алмашдилар.

“Дастур мамлакатнинг қишлоқ хўжалиги озиқ-овқат тизимини замонавий, рақобатбардош ва барқарор секторга айлантириш учун стратегик қўлланма бўлиб хизмат қилади”, — деди ФАОнинг Европа ва Марказий Осиёдаги минтақавий ваколатхонасининг рақамли қишлоқ хўжалиги гуруҳи раҳбари Даниэла ДиЖианантонио.

Тадбир турли манфаатдор томонлар томонидан қўллаб-қувватланди ва бу Ўзбекистонда қишлоқ хўжалигини рақамли ўзгартиришга кўмаклашиш бўйича биргаликдаги саъй-ҳаракатларга ёрдам берди. Шунингдек, эришилган ютуқлар ва истиқболда агро-озиқ-овқат соҳасида рақамли технологияларни жорий этиш йўлидаги тўсиқларни муҳокама қилинди, шу билан биргаликда, ФАОнинг Digital Villages (Рақамли Қишлоқлар) ташаббуси доирасида эришилган сўнгги натижаларни таҳлили учун яхши имконият бўлди. Бу Ўзбекистонда қишлоқ хўжалигини рақамли трансформация қилишнинг умумий қарашларини қўллаб-қувватлаш ва турли манфаатдор томонлар ўртасидаги ҳамкорликни ривожлантиришга ёрдам беради.

Миллий ҳаракат дастури қишлоқ хўжалигига инновацияларни янада кенгроқ жорий этиш ва қишлоқ хўжалигини рақамлаштириш мақсадида Ўзбекистон Республикаси Қишлоқ хўжалиги вазирлигининг таклифига биноан ФАОнинг “Қишлоқ хўжалигини рақамли трансформацияси учун асосларни тайёрлаш” номли техник ҳамкорлик лойиҳаси доирасида ишлаб чиқилган. Унинг доирасида ФАО Ўзбекистонда рақамли қишлоқ хўжалиги ҳолатини баҳолади ва ҳамкорлар билан биргаликда Миллий стратегияни ишлаб чиқди.

Буларнинг барчаси ФАОнинг Ўзбекистонда рақамли қишлоқлар, геофазовий лабораториялар, ақлли сенсорлар, озиқ-овқат нархлари мониторинги воситаси, ер деградациясининг нейтраллигига эришиш бўйича қарор қабул қилишни қўллаб-қувватлаш тизими, рақамли ўрмон инвентаризацияси ва бошқалар каби рақамли технологияларни жорий этиш бўйича олиб бораётган ишларининг бир қисмидир. Ушбу саъй-ҳаракатлардан кўзланган асосий мақсад қишлоқ хўжалиги озиқ-овқат тизимларини ўзгартиришни рағбатлантириш, мамлакатнинг иқлимга чидамли ривожланишига ҳисса қўшишдан иборат.