28 декабрдан бошлаб Apple Европа Иттифоқида (ЕИ) Lightning'ли смартфонлар сотишни тўхтатди. 9to5Маc нашри бунга эътибор қаратди.

ОАВ журналистлари iPhone 14, 14 Plus ва iPhone SE'ни Европанинг аксарият давлатларида энди расман харид қилиб бўлмаслигини пайқашди. Қурилмалар бозорга нисбатан яқинда кирганига қарамай – барча телефонлар 2022 йилда пайдо бўлган бўлсада, уларнинг сотуви Европанинг янги қонунлари туфайли тўхтатилди.

2024 йил 28 декабрда Европа Иттифоқида фақат USB-S улагичи билан жиҳозланган гаджетларни сотишга рухсат берувчи директив кучга кирди. 2023 йилгача чиқарилган барча Apple смартфонлари Lightning портига эга эди ва шунинг учун тақиқланган.

9to5Маc журналистларининг фикрича, бу янгилик iPhone фойдаланувчилари учун яхшиликдан кўра ёмонроқ. iPhone 14, 14 Plus ва iPhone SE Apple компаниясининг бозордаги энг арзон смартфонлари бўлган, аммо ҳозир улар йўқ. Бироқ нашр муаллифларининг фикрича, америка компанияси 2025 йилнинг кузида барча Lightning телефонларини сотишни тўхтатади.