28-dekabrdan boshlab Apple Yevropa Ittifoqida (YEI) Lightningʻli smartfonlar sotishni toʻxtatdi. 9to5Mac nashri bunga eʼtibor qaratdi.

OAV jurnalistlari iPhone 14, 14 Plus va iPhone SEʻni Yevropaning aksariyat davlatlarida endi rasman xarid qilib boʻlmasligini payqashdi. Qurilmalar bozorga nisbatan yaqinda kirganiga qaramay – barcha telefonlar 2022-yilda paydo boʻlgan boʻlsada, ularning sotuvi Yevropaning yangi qonunlari tufayli toʻxtatildi.

2024-yil 28-dekabrda Yevropa Ittifoqida faqat USB-S ulagichi bilan jihozlangan gadjetlarni sotishga ruxsat beruvchi direktiv kuchga kirdi. 2023-yilgacha chiqarilgan barcha Apple smartfonlari Lightning portiga ega edi va shuning uchun taqiqlangan.

9to5Mac jurnalistlarining fikricha, bu yangilik iPhone foydalanuvchilari uchun yaxshilikdan koʻra yomonroq. iPhone 14, 14 Plus va iPhone SE Apple kompaniyasining bozordagi eng arzon smartfonlari boʻlgan, ammo hozir ular yoʻq. Biroq nashr mualliflarining fikricha, amerika kompaniyasi 2025-yilning kuzida barcha Lightning telefonlarini sotishni toʻxtatadi.