Иллюстратив фото

Европа Иттифоқига аъзо 20 давлат Украина учун 1 миллиард евро миқдоридаги снарядлар сотиб олиш лойиҳасида иштирок этиш ниятини билдирган. Бу ҳақда Европа дипломатияси раҳбари Хосеп Боррель айтиб ўтди.

«Европа Иттифоқининг 20 та давлати қўшма харидлар лойиҳасида иштирок этиш ниятини билдирди, ҳозир ушбу келишувни улардан 17 таси имзолаган бўлса, қолганлари миллий процедуралар тугагандан сўнг қўшилади», дейди Боррель.

Аввалроқ, Европа Иттифоқи Украинага 2 миллиард еврога ўқ-дори етказиб бериш режасини келишиб олгани маълум бўлган эди.

Шунингдек, Европа Иттифоқига аъзо 17 давлат ва Норвегия Украина учун ўқ-дориларни биргаликда сотиб олишни, шунингдек, ўз захираларини мустаҳкамлашни назарда тутувчи лойиҳани имзолагани маълум қилинди. Тегишли ҳужжатларни Австрия, Бельгия, Германия, Греция, Кипр, Люксембург, Малта, Нидерландия, Португалия, Руминия, Словакия, Финляндия, Франция, Хорватия, Чехия, Швеция, Эстония, шунингдек, Европа Иттифоқига аъзоси бўлмаса-да Норвегия ҳам имзолаган.